IPLನಲ್ಲಿ ಅಬ್ಬರಿಸಿದ್ದ ರಿಂಕು ಸಿಂಗ್​​ಗೆ T-20 ತಂಡದಲ್ಲಿ ಸಿಗದ ಅವಕಾಶ -BCCI ವಿರುದ್ಧ ಆಕ್ರೋಶ – ರಿಕು ಸಿಂಗ್​ 5 ಅತ್ಯುತ್ತಮ ಆಟಗಳು..!

ವೆಸ್ಟ್​ಇಂಡೀಸ್​ ವಿರುದ್ಧದ ಟಿ-ಟ್ವೆಂಟಿ ಸರಣಿಗೆ ಟೀಂ ಇಂಡಿಯಾ ಆಯ್ಕೆ ಆಗಿದೆ.

ಮುಂಬೈ ಇಂಡಿಯನ್ಸ್​ ಆಟಗಾರ ತಿಲಕ್​ ವರ್ಮಾ ಮತ್ತು ರಾಜಸ್ಥಾನ ರಾಯಲ್ಸ್​ ಆಟಗಾರ ಯಶಸ್ವಿನಿ ಜೈಸ್ವಾಲ್​ಗೆ ಟೀಂ ಇಂಡಿಯಾದಲ್ಲಿ ಮೊದಲ ಬಾರಿಗೆ ಅವಕಾಶ ನೀಡಲಾಗಿದೆ.

ಆದರೆ ಐಪಿಎಲ್​ನಲ್ಲಿ ಅತ್ಯುತ್ತಮ ಫಿನಿಷರ್​ ಎಂಬ ಹೆಗ್ಗಳಿಕೆ ಪಡೆದಿದ್ದ ಉತ್ತರಪ್ರದೇಶದ ಮೂಲದ ಕೋಲ್ಕತ್ತಾ ನೈಟ್​ ರೈಡರ್ಸ್​ ಆಟಗಾರ ರಿಂಕು ಸಿಂಗ್​​ಗೆ ಟೀಂ ಇಂಡಿಯಾದಲ್ಲಿ ಅವಕಾಶ ನೀಡದೇ ಇರುವುದು ಅಚ್ಚರಿ ಮತ್ತು ಟೀಕೆಗೆ ಕಾರಣವಾಗಿದೆ.

ರಿಂಕು ಸಿಂಗ್​ ಐಪಿಎಲ್​ನಲ್ಲಿ 474 ರನ್​ ಗಳಿಸಿದ್ದರು. 149.53 ಸ್ಟ್ರೈಕ್​ರೇಟ್​ನೊಂದಿದೆ ಶೇಕಡಾ 59.25 ಸರಾಸರಿಯೊಂದಿಗೆ ಅಬ್ಬರದ ಬ್ಯಾಟಿಂಗ್​ ನಡೆಸಿದ್ದರು.

ರಿಂಕು ಸಿಂಗ್​ ಅವರ ಅತ್ಯುತ್ತಮ ಆಟಗಳು:

1. ಗುಜರಾತ್​ ಟೈಟಾನ್ಸ್​ ವಿರುದ್ಧ ಪಂದ್ಯದಲ್ಲಿ ಕೊನೆ ಓವರ್​ನಲ್ಲಿ ಸತತ ಸಿಕ್ಸರ್​ಗಳ ಮೂಲಕ ಕೇವಲ 21 ಎಸೆತಗಳಲ್ಲಿ ರಿಂಕು ಸಿಂಗ್​​ 48 ರನ್​ ಗಳಿಸಿದ್ದರು. ರಿಕು ಅಬ್ಬರದಿಂದ ಕೋಲ್ಕತ್ತಾ ಮೂರು ವಿಕೆಟ್​ಗಳ ರೋಚಕ ಜಯ ಗಳಿಸಿತ್ತು.

2. ಚೆನ್ನೈನಲ್ಲಿ ನಡೆದ ಸಿಎಸ್​ಕೆ ವಿರುದ್ಧದ ಪಂದ್ಯದಲ್ಲಿ 43 ಎಸೆತಗಳಲ್ಲಿ ರಿಂಕು ಸಿಂಗ್​ 43 ರನ್​ ಗಳಿಸುವುದರೊಂದಿಗೆ ಕೋಲ್ಕತ್ತಾ 6 ವಿಕೆಟ್​​ಗಳ ಜಯ ಗಳಿಸಿತ್ತು.

3. ಸಿಎಸ್​ಕೆ ವಿರುದ್ಧದ 235 ರನ್​ಗಳ ಟಾರ್ಗೆಟ್​ ಬೆನ್ನಟ್ಟಿದ್ದ ಕೋಲ್ಕತ್ತಾ ಪರ ರಿಂಕು ಸಿಂಗ್​ 33 ಎಸೆತಗಳಲ್ಲಿ 43 ರನ್​ ಗಳಿಸಿದ್ದರು. ಆದ್ರೆ ಈ ಕೋಲ್ಕತ್ತಾ 49 ರನ್​ಗಳಿಂದ ಸೋಲು ಅನುಭವಿಸಿತ್ತು.

4. ಸನ್​ರೈಸರ್ಸ್​ ಹೈದ್ರಾಬಾದ್​ ವಿರುದ್ಧದ ಪಂದ್ಯದಲ್ಲಿ 31 ಎಸೆತಗಳಲ್ಲಿ 58 ರನ್​ ಗಳಿಸಿ ಅಬ್ಬರಿಸಿದ್ದರು. ಆದರೆ ಕೋಲ್ಕತ್ತಾ 23 ರನ್​ಗಳಿಂದ ಸೋಲು ಅನುಭವಿಸಿತ್ತು.

5. ಲಕ್ನೋ ಸೂಪರ್​ ಗೈಂಟ್ಸ್ ವಿರುದ್ಧ 33 ಎಸೆತಗಳಲ್ಲಿ 67 ರನ್​ ಗಳಿಸಿ ರಿಂಕು ಸಿಂಗ್ ಘರ್ಜಿಸಿದ್ದರು. ಆದರೆ ಕೋಲ್ಕತ್ತಾ 1 ರನ್​ನಿಂದ ಸೋಲ ಬೇಕಾಯಿತು.