ಎನ್ಟಿಆರ್ ಶತಮಾನೋತ್ಸವದಲ್ಲಿ ಟಿಡಿಪಿ ಮುಖ್ಯಸ್ಥ ಚಂದ್ರಬಾಬು ನಾಯ್ಡು ಜೊತೆ ಸೂಪರ್ ಸ್ಟಾರ್ ರಜಿನಿಕಾಂತ್ ವೇದಿಕೆ ಹಂಚಿಕೊಂಡು ಅವರನ್ನು ಹೊಗಳಿದ್ದೇ ತಪ್ಪಾಗಿದೆ ನೋಡಿ. ಒಂದು ವರ್ಗ ಸೂಪರ್ ಸ್ಟಾರ್ ರಜಿನಿಕಾಂತ್ ವ್ಯಕ್ತಿತ್ವಕ್ಕೆ ಮಸಿ ಬಳಿಯಲು ನೋಡುತ್ತಿದೆ.
ಸಾಮಾನ್ಯ ಮರಾಠ ಕುಟುಂಬದಲ್ಲಿ ಹುಟ್ಟಿ, ಬೆಂಗಳೂರಿನಲ್ಲಿ ಬಸ್ ಕಂಡಕ್ಟರ್ ಆಗಿ.. ನಂತರ ಚೆನ್ನೈನಲ್ಲಿ ಸಿನಿಮಾರಂಗಕ್ಕೆ ಕಾಲಿಟ್ಟು.. ಹಂತ ಹಂತವಾಗಿ ಸೂಪರ್ ಸ್ಟಾರ್ ಮಟ್ಟಕ್ಕೆ ಬೆಳೆದ ರಜಿನಿಕಾಂತ್ ಅವರ ಜೀವನ ತೆರೆದ ಪುಸ್ತಕ. ನಿಗರ್ವಿಯಾದ ಅವರು ವಿವಾದಗಳಿಂದಲೂ ಸದಾ ದೂರವೇ ಇರುತ್ತಾರೆ. ಅಂಥಾ ಸೂಪರ್ ಸ್ಟಾರ್ ವ್ಯಕ್ತಿತ್ವಕ್ಕೆ ಕಳಂಕ ಹಚ್ಚಲು ಸೋಷಿಯಲ್ ಮೀಡಿಯಾದ ಕೆಲ ಮಂದಿ ಪ್ರಯತ್ನಿಸಿದ್ದಾರೆ.
ಸಿಲ್ಕ್ ಸ್ಮಿತಾ ಆತ್ಮಹತ್ಯೆಗೆ ರಜನಿಕಾಂತ್ ಹೆಸರು ತಳುಕು
ಸೂಪರ್ ಸ್ಟಾರ್ ರಜಿನಿಕಾಂತ್ ವ್ಯಕ್ತಿತ್ವವನ್ನು ಅತ್ಯಂತ ದಾರುಣವಾಗಿ ಚಿತ್ರಿಸುವ ಪೋಸ್ಟ್ ಗಳು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ.
ಸಿಲ್ಕ್ ಸ್ಮಿತಾ ಆತ್ಮಹತ್ಯೆ ಮಾಡಿಕೊಳ್ಳಲು ರಜನಿಕಾಂತ್ ಕಾರಣ.. ಅವರು ಸಿಲ್ಕ್ ಸ್ಮಿತಾ ಸಿನಿಮಾ ಜೀವನಕ್ಕೆ ಕಲ್ಲಾದರು.. ಸಿನಿಮಾಗಳಲ್ಲಿ ಅವಕಾಶ ಸಿಗದಂತೆ ಮಾಡಿದರು.. ಸಿಲ್ಕ್ ಸ್ಮಿತಾ ಜೊತೆ ರಜನಿಕಾಂತ್ ಗೆ ಅಫೇರ್ ಇತ್ತು. ಬಿಗ್ರೇಡ್ ನಟಿ ಜೊತೆ ರಜನಿಕಾಂತ್ ವಿವಾಹೇತರ ಸಂಬಂಧ ಮುಂದುವರೆಸಿದ್ದರು… ರಜನಿಕಾಂತ್ ರಿಂದಲೇ ಸಿಲ್ಕ್ ಸ್ಮಿತಾ ಜೀವನ ಹಾಳಾಯ್ತು.. ಸಿಲ್ಕ್ ಸ್ಮಿತಾ ಡೆತ್ ನೋಟಲ್ಲಿ ನನ್ನ ಜೀವನ ಹಾಳಾಗಲು ಓರ್ವ ಸೂಪರ್ ಸ್ಟಾರ್ ಕಾರಣ ಎಂದು ಬರೆದಿದ್ದಾರೆ.. ರಜನಿಕಾಂತ್ ಉದ್ದೇಶಿಸಿಯೇ ಸಿಲ್ಕ್ ಸ್ಮಿತಾ ಸೂಪರ್ ಸ್ಟಾರ್ ಎಂದಿರುವುದು ಅಂತಾ..
ಹೀಗೆ ಹತ್ತು ಹಲವು ರೀತಿಯಲ್ಲಿ ಸಿಲ್ಕ್ ಸ್ಮಿತಾ ಜೀವನದ ಜೊತೆಗೆ ರಜನಿಕಾಂತ್ ಹೆಸರನ್ನು ತಳಕು ಹಾಕಿ ಅವರ ಮೇರು ವ್ಯಕ್ತಿತ್ವವನ್ನು ಹಾಳು ಮಾಡಲು ನೋಡಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ನಿರಂತರವಾಗಿ ರಜನಿಕಾಂತ್ ವಿರುದ್ಧ ದುಷ್ಪ್ರಚಾರ ಮುಂದುವರೆಸಿದ್ದಾರೆ. ಇದೆಲ್ಲವನ್ನು ಕಂಡು ರಜನಿಕಾಂತ್ ಫ್ಯಾನ್ಸ್ ರೊಚ್ಚಿಗೆದ್ದಿದ್ದಾರೆ. ಸೋಷಿಯಲ್ ಮೀಡಿಯಾವನ್ನೇ ವೇದಿಕೆ ಮಾಡಿಕೊಂಡು ಪ್ರತ್ಯುತ್ತರ ನೀಡುತ್ತಿದ್ದಾರೆ. ತೆಲುಗು ಪೀಪಲ್ ಸ್ಟಾಂಡ್ ವಿತ್ ರಜನಿ ಎಂಬ ಹ್ಯಾಷ್ ಟ್ಯಾಗ್ ಟ್ರೆಂಡ್ ಆಗಿವೆ.
ಯಾರು ಏನಂದುಕೊಂಡರೂ ಐ ಡೋಂಟ್ ಕೇರ್ – ರಜನಿಕಾಂತ್
ತಮ್ಮ ವಿರುದ್ಧ ನಡೆಯುತ್ತಿರುವ ದುಷ್ಪ್ರಚಾರದ ಮೊದಲ ಬಾರಿಗೆ ಸೂಪರ್ ಸ್ಟಾರ್ ರಜನಿಕಾಂತ್ ಪ್ರತಿಕ್ರಿಯೆ ನೀಡಿದ್ದಾರೆ.
ಯಾರು ಏನೆಂದುಕೊಂಡರೂ ಐ ಡೋಂಟ್ ಕೇರ್.. ಅದು ನನಗೆ ಅನಗತ್ಯ ವಿಚಾರ. ಎನ್ಟಿಆರ್ ಶತಮಾನೋತ್ಸವದಲ್ಲಿ ನನ್ನ ಮನಸ್ಸಿನಲ್ಲಿ ಇರೋದನ್ನು ಹೇಳಿದ್ದೇನೆ. ತಮಿಳುನಾಡಿನಲ್ಲಿ ರಾಗದ್ವೇಷಗಳು ಇವೆ. ಇವೇನು ನನಗೆ ಹೊಸದು ಕೂಡ ಅಲ್ಲ.. ಇದೆಲ್ಲವನ್ನು ಹಿಂದೆಯೂ ನಾನು ಅನುಭವಿಸಿದ್ದೇನೆ. ನನ್ನ ಅಭಿಮಾನಿ ಸಂಘಗಳು ಈ ಸುಳ್ಳು ಪ್ರಚಾರಕ್ಕೆ ಪ್ರತಿಕ್ರಿಯಿಸಸಲು ಮುಂದಾದರೇ ನಾನು ತಡೆಯಲು ಬಯಸುವುದಿಲ್ಲ. ನಾಲ್ಕು ದಿನ ಸಂಯಮದಿಂದ ಇದ್ದರೇ ವಿವಾದದ ಸದ್ದು ಅಡಗುತ್ತದೆ
ಸೂಪರ್ ಸ್ಟಾರ್ ರಜನಿಕಾಂತ್
ಎಂದು ಚಂದ್ರಬಾಬು ನಾಯ್ಡುಗೆ ಸೂಪರ್ ಸ್ಟಾರ್ ರಜನಿಕಾಂತ್ ಫೋನ್ನಲ್ಲಿ ತಿಳಿಸಿದ್ದಾರೆ ಎನ್ನಲಾಗುತ್ತಿದೆ.
