Congress: ಗುಲಾಂ ನಬಿ ಆಜಾದ್​ಗೆ ಆಘಾತ – ಪಕ್ಷ ಬಿಟ್ಟವರೆಲ್ಲ ಮರಳಿ ಕಾಂಗ್ರೆಸ್​​ಗೆ

ಕಾಂಗ್ರೆಸ್​ ಬಿಟ್ಟು ತಮ್ಮದೇ ಹೊಸ ಪಕ್ಷ ಸ್ಥಾಪಿಸಿದ್ದ ಮಾಜಿ ರಾಜ್ಯಸಭಾ ಸಂಸದ ಗುಲಾಂ ನಬಿ ಆಜಾದ್​​ಗೆ ಆಘಾತವಾಗಿದೆ.

ಆಜಾದ್​ ಅವರ ಪಕ್ಷ ಪ್ರಜಾಸತಾತ್ಮಕ ಪ್ರಗತಿಪರ ಆಜಾದ್​ ಪಕ್ಷ (DPAP) ಪಕ್ಷಕ್ಕೆ ರಾಜೀನಾಮೆ ನೀಡಿ ಹಲವು ನಾಯಕರು ಮತ್ತೆ ಕಾಂಗ್ರೆಸ್​​ಗೆ ಮರಳಿದ್ದಾರೆ.

ಕಾಂಗ್ರೆಸ್​ ರಾಷ್ಟ್ರೀಯ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ, ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಕೆ ಸಿ ವೇಣುಗೋಪಾಲ್​ ಮತ್ತು ಜಮ್ಮು-ಕಾಶ್ಮೀರ ಕಾಂಗ್ರೆಸ್​ ಉಸ್ತುವಾರಿ ರಜಿನಿ ಪಾಟೀಲ್​ ಮತ್ತು ರಾಜ್ಯಾಧ್ಯಕ್ಷ ವಿಕಾರ್​ ವಸೂಲ್​ ಸಮ್ಮುಖದಲ್ಲಿ ಕಾಂಗ್ರೆಸ್​​ಗೆ ಮರು ಸೇರ್ಪಡೆಯಾಗಿದ್ದಾರೆ.

ಮಾಜಿ ಸಚಿವ, ಎರಡು ಬಾರಿ ಶಾಸಕ ಯಶ್​ಪಾಲ್​ ಕುಂಡಲ್​ ಮತ್ತೆ ಕಾಂಗ್ರೆಸ್​​ಗೆ ಸೇರ್ಪಡೆಯಾಗಿದ್ದಾರೆ.  ಜಮ್ಮು-ಕಾಶ್ಮೀರ ಕಾಂಗ್ರೆಸ್​  ಉಪಾಧ್ಯಕ್ಷರಾಗಿದ್ದ ಹಾಜಿ ಅಬ್ದುಲ್​ ರಶೀದ್​ ದಾರ್​ ಕೂಡಾ ಕಾಂಗ್ರೆಸ್​​ಗೆ ಮರಳಿದ್ದಾರೆ.

ಕಾಂಗ್ರೆಸ್​​ಗೆ ಮರಳಿದರ 23 ನಾಯಕರಲ್ಲಿ ಆಜಾದ್​ ಪಕ್ಷದವರು ಮತ್ತು ಆಮ್​ ಆದ್ಮಿ ಪಕ್ಷದವರೂ ಸೇರಿದ್ದಾರೆ.

ನರೇಶ್​ ಗುಪ್ತಾ, ಶಾಮ್​ ಲಾಲ್​ ಭಗತ್​, ನಮ್ರತಾ ಶರ್ಮಾ, ಸೈಮಾ ಜಾನ್​, ಶಹಾಜೆಹಾನ್​ ದಾರ್​, ಫಾರೂಕ್​ ಅಹ್ಮದ್​, ತರನ್​ಜಿತ್​ ಸಿಂಗ್​ ತೋನಿ, ಗಜನ್​ಫರ್​ ಅಲಿ, ಸಂತೋಷ್​ ಮಜೋತ್ರಾ, ರಜನಿ ಶರ್ಮಾ, ನಿರ್ಮಲ್​ ಸಿಂಗ್​ ಮೆಹ್ತಾ, ಮದನ್​ ಲಾಲ್​ ಚಲೋಟ್ರಾ, ಹಮಿತ್​ ಸಿಂಗ್ ಬಟ್ಟಿ, ರಮೇಶ್​ ಪನ್​ಡೋಟ್ರಾ, ವೈದ್​ ರಾಜ್​ ಶರ್ಮಾ, ಮನ್​ದೀಪ್​ ಚೌಧರಿ, ನಜೀರ್​ ಅಹ್ಮದ್​ ಔಕಾದ್​, ಮಹೇಶ್ವರ್​ ವಿಶ್ವಕರ್ಮ ಮತ್ತು ಜುಂಗ್​ ಬಹದೂರ್​ ಶರ್ಮಾ ಮತ್ತೆ ಕಾಂಗ್ರೆಸ್​ಗೆ ಸೇರ್ಪಡೆ ಆಗಿದ್ದಾರೆ.