ಇವತ್ತು SSLC ಫಲಿತಾಂಶ – ಫಲಿತಾಂಶ ನೋಡುವುದು ಹೇಗೆ, ಡೌನ್​ಲೋಡ್​ ಮಾಡಿಕೊಳ್ಳುವುದು ಹೇಗೆ..?

ಕೆಲವೇ ಹೊತ್ತಲ್ಲಿ ಎಸ್​ಎಸ್​​ಎಲ್​ಸಿ ಪರೀಕ್ಷಾ ಫಲಿತಾಂಶ ಪ್ರಕಟವಾಗಲಿದೆ.  ಇವತ್ತು ಬೆಳಗ್ಗೆ 10.30ಕ್ಕೆ ಕರ್ನಾಟಕ ಶಾಲಾ ಪರೀಕ್ಷೆ ಮತ್ತು ಮೌಲ್ಯ ನಿರ್ಣಯ ಮಂಡಳಿ ಅಧ್ಯಕ್ಷೆ ಎನ್​ ಮಂಜುಶ್ರೀ ಅವರು ಸುದ್ದಿಗೋಷ್ಠಿ ನಡೆಸಿ ಫಲಿತಾಂಶ ಪ್ರಕಟಿಸಲಿದ್ದಾರೆ.

ಈ ಬಾರಿ 4,41,910 ಮಂದಿ ಹುಡುಗರು ಮತ್ತು 4,28,058 ಹುಡುಗಿಯರು ಪರೀಕ್ಷೆ ಬರೆದಿದ್ದಾರೆ.

ಬೆಳಗ್ಗೆ 10.30ರಿಂದಲೇ ವೆಬ್​ಸೈಟ್​ನಲ್ಲಿ ಎಸ್​ಎಸ್​ಎಲ್​ಸಿ ಪರೀಕ್ಷೆಯ ಫಲಿತಾಂಶ ಲಭ್ಯವಾಗಲಿದೆ.

ಆನ್​ಲೈನ್​ನಲ್ಲಿ ಎಸ್​ಎಸ್​ಎಲ್​ಸಿ ಫಲಿತಾಂಶ ನೋಡುವುದು ಹೇಗೆ..?

ಶಿಕ್ಷಣ ಇಲಾಖೆಯ ಅಧಿಕೃತ ವೆಬ್​ಸೈಟ್ karresults.nic.in ಗೆ ಭೇಟಿ ನೀಡಿ.

ಹೋಮ್​ ಪೇಜ್​ನಲ್ಲಿ SSLC Results 2024 ಲಿಂಕ್​​ ಮೇಲೆ ಕ್ಲಿಕ್ ಮಾಡಿದರೆ ಆಗ ಹೊಸ ಲಾಗಿನ್ ಪುಟವು ತೆರೆದುಕೊಳ್ಳುತ್ತದೆ.

ಬಳಿಕ ವಿದ್ಯಾರ್ಥಿಯ ಹಾಲ್​ ಟಿಕೆಟ್ ಸಂಖ್ಯೆ ಮತ್ತು ಜನ್ಮದಿನಾಂಕವನ್ನು ನಮೂದಿಸಿದರೆ ಆಗ ಫಲಿತಾಂಶ ಕಾಣಿಸಿಕೊಳ್ಳುತ್ತದೆ.​​ ಫಲಿತಾಂಶವನ್ನು ವೆಬ್​​ಸೈಟ್​ನಲ್ಲೇ ಡೌನ್​ಲೋಡ್​ ಮಾಡಿಕೊಳ್ಳಬಹುದು.