ಬೆಂಗಳೂರು: ಪ್ರತಿ ವರ್ಷದಂತೆ ಈ ಬಾರಿಯೂ ಕ್ರಿಸ್ಮಸ್‌ ಅಂಗವಾಗಿ ಇನ್‌ಸ್ಟಿಟ್ಯೂಟ್‌ ಆಫ್‌ ಬೇಕಿಂಗ್‌ ಆ್ಯಂಡ್‌ ಕೇಕ್ ಆರ್ಟ್‌ (ಬಿಸಿಎ) ವತಿಯಿಂದ 49ನೇ ವಾರ್ಷಿಕ ಕೇಕ್ ಪ್ರದರ್ಶನ ಆಯೋಜಿಸಲಾಗಿದ್ದು, ಇಂದಿನಿಂದ ಜನವರಿ 1 ರವರೆಗೆ ಯುಬಿ ಸಿಟಿಯ ಸೇಂಟ್‌ ಜೋಸೆಫ್‌ ಹೈಸ್ಕೂಲ್‌ ಮೈದಾನದಲ್ಲಿ ಈ ಪ್ರದರ್ಶನ ನಡೆಯಲಿದೆ.
ಪ್ರತಿ ವರ್ಷ ಒಂದೊಂದು ಹೊಸ ಥೀಮ್‌ನೊಂದಿಗೆ ಕೇಕ್ ಶೋ ನಡೆಯುತ್ತದೆ. 50 ಅಧಿಕ ಕೇಕ್‌ನಲ್ಲಿ ಮಾಡಿ ಕಲಾಕೃತಿಗಳು ಇರುತ್ತವೆ. ಈ ಬಾರಿಯ ಕೇಕ್ ಶೋನಲ್ಲಿ ಗ್ಯಾರಂಟಿ ಯೋಜನೆಯ ಆಕರ್ಷಣೆಯಿಂದ ಹಿಡಿದು ಚಂದ್ರಯಾನ-3 ರವರೆಗೆ ಹಲವು ಆಕರ್ಷಣೆಗಳು ಇರಲಿವೆ!
ಕರ್ನಾಟಕದಲ್ಲಿಅಧಿಕಾರಕ್ಕೆ ಬಂದಿರುವ ಕಾಂಗ್ರೆಸ್‌ ಸರಕಾರ ಮಹಿಳೆಯರಿಗೆ ಉಚಿತ ಬಸ್ ಸೇವೆ ಒದಗಿಸಿರುವುದು ಹೆಚ್ಚು ಪ್ರಸಿದ್ಧಿಯಾಗಿದೆ. ಕೋಟ್ಯಂತರ ಜನರು ಈ ಯೋಜನೆಯ ಲಾಭವನ್ನೂ ಪಡೆದಿದ್ದಾರೆ. ಹೀಗಾಗಿ, ಬಸ್ ಹಾಗೂ ಬಸ್‌ನಲ್ಲಿಮಹಿಳಾ ಪ್ರಯಾಣಿಕರು ಕುಳಿತು ಪ್ರಯಾಣಿಸುವ ಕೇಕ್‌ನ ಮಾದರಿ ತಯಾರಿಸಲಾಗುತ್ತಿದ್ದು, ಕೇಕ್ ಶೋನಲ್ಲಿ ವಿಶೇಷವಾಗಿ ಗಮನ ಸೆಳೆಯಲಿದೆ.
ಇನ್ನು ಪ್ರತಿ ಬೆಳಗ್ಗೆ 11ರಿಂದ ರಾತ್ರಿ 9 ಗಂಟೆವರೆಗೆ ಪ್ರದರ್ಶನ ವೀಕ್ಷಣೆಗೆ ಅವಕಾಶ ಕಲ್ಪಿಸಲಾಗಿದ್ದು,
ನಾಲ್ಕು ವರ್ಷದೊಳಗಿನ ಮಕ್ಕಳಿಗೆ ಪ್ರವೇಶ ಉಚಿತವಾಗಿದೆ. ಪ್ರತಿ ವ್ಯಕ್ತಿಗೆ 100 ರೂ. ಪ್ರವೇಶ ದರ ನಿಗದಿಪಡಿಸಲಾಗಿದೆ.
