ಪ್ರಯಾಣಿಕರ ಸ್ವತ್ತು ಕಳುವಾದರೆ ರೈಲ್ವೆ ಇಲಾಖೆ ಹೊಣೆಯಲ್ಲ – ಸುಪ್ರೀಂಕೋರ್ಟ್​

ರೈಲುಗಳಲ್ಲಿ ಪ್ರಯಾಣಿಕರ ಸ್ವತ್ತುಗಳು ಕಳುವಾದರೆ ಅದಕ್ಕೆ ರೈಲ್ವೆ ಇಲಾಖೆ ಹೊಣೆಗಾರ ಅಲ್ಲ ಎಂದು ಸುಪ್ರೀಂಕೋರ್ಟ್​ ತೀರ್ಪು ನೀಡಿದೆ.

ಸುಪ್ರೀಂಕೋರ್ಟ್​ ನ್ಯಾಯಮೂರ್ತಿಗಳಾದ ವಿಕ್ರಂ ನಾಥ್​ ಮತ್ತು ಅಸಾದುದ್ದೀನ್​ ಅಮಾನುಲ್ಲಾ ಅವರಿದ್ದ ದ್ವಿಸದಸ್ಯ ಪೀಠ ತೀರ್ಪು ನೀಡಿದೆ.

ಪ್ರಯಾಣಿಕರ ಸ್ವತ್ತುಗಳು ಕಳುವಾದರೆ ಅದು ರೈಲ್ವೆ ನೀಡುವ ಸೇವೆಯಲ್ಲಿನ ಲೋಪ ಎಂದು ನಮಗೆ ಅರ್ಥವಾಗುತ್ತಿಲ್ಲ. ಒಂದು ವೇಳೆ ಪ್ರಯಾಣಿಕರು ತಮ್ಮ ಸ್ವತ್ತುಗಳನ್ನು ಸಂರಕ್ಷಿಸಿಕೊಳ್ಳಲು ವಿಫಲವಾದರೆ ಅದಕ್ಕೆ ರೈಲ್ವೆ ಇಲಾಖೆ ಹೊಣೆಯಲ್ಲ

ಎಂದು ಸುಪ್ರೀಂಕೋರ್ಟ್​ ತೀರ್ಪಿನಲ್ಲಿ ಹೇಳಿದೆ.

ಸುರೆಂದರ್​ ಭೋಲಾ ಎನ್ನುವರರು ರೈಲಿನಲ್ಲಿ ಪ್ರಯಾಣಿಸುವಾಗ ಅವರು ತಮ್ಮ ಸೊಂಟಕ್ಕೆ ಕಟ್ಟುಕೊಂಡಿದ್ದ ಬೆಲ್ಟ್​ ಪರ್ಸ್​ನಿಂದ 1 ಲಕ್ಷ ರೂಪಾಯಿ ಕಳುವಾಗಿತ್ತು. ಆ ಬಳಿಕ ಸುರೆಂದರ್​ ಅವರು ಗ್ರಾಹಕ ವ್ಯವಹಾರಗಳ ನ್ಯಾಯಾಲಯದಲ್ಲಿ ದಾವೆ ಹೂಡಿದ್ದರು.

ರೈಲ್ವೆ ಇಲಾಖೆಯಿಂದ ಸೇವೆ ನೀಡುವಲ್ಲಿ ದೋಷವಾಗಿದೆ ಎಂದು ಹೇಳಿ ಗ್ರಾಹಕ ವ್ಯಾಜ್ಯಗಳ ವೇದಿಕೆ ಸುರೆಂದರ್​ ಅವರಿಗೆ 1 ಲಕ್ಷ ರೂಪಾಯಿ ನೀಡುವಂತೆ ರೈಲ್ವೆಗೆ ಸೂಚಿಸಿತ್ತು.

ಆ ಬಳಿಕ ರೈಲ್ವೆ ಇಲಾಖೆ ರಾಜ್ಯ ಮತ್ತು ರಾಷ್ಟ್ರೀಯ ಗ್ರಾಹಕ ವ್ಯವಹಾರಗಳ ಆಯೋಗಕ್ಕೆ ಮೇಲ್ಮನವಿ ಸಲ್ಲಿಸಿದ್ದರೂ ತಿರಸ್ಕಾರಗೊಂಡಿತ್ತು.