ರೈಲು ದುರಂತ: ಜೀವ ಕಳೆದುಕೊಂಡವರ ಸಂಖ್ಯೆ 232ಕ್ಕೆ ಏರಿಕೆ – 25 ವರ್ಷದಲ್ಲೇ ಭೀಕರ ಅಪಘಾತ

ಒಡಿಶಾ ರಾಜ್ಯದ ಬಾಲಸೋರ್​ನಲ್ಲಿ ಸಂಭವಿಸಿದ್ದ ಭೀಕರ ರೈಲು ಅಫಘಾತದಲ್ಲಿ ಪ್ರಾಣ ಕಳೆದುಕೊಂಡವರ ಸಂಖ್ಯೆ 233ಕ್ಕೆ ಏರಿಕೆ ಆಗಿದೆ.

900 ಮಂದಿ ಪ್ರಯಾಣಿಕರು ಗಾಯಗೊಂಡಿದ್ದಾರೆ. ಒಡಿಶಾ ಮುಖ್ಯಮಂತ್ರಿ ನವೀನ್​ ಪಟ್ನಾಯಕ್​ ಅವರು ರಾಜ್ಯದಲ್ಲಿ ಒಂದು ದಿನದ ಶೋಕಾಚಾರಣೆ ಘೋಷಿಸಿದ್ದಾರೆ.

ಸ್ವತಂತ್ರ ಭಾರತದ ಇತಿಹಾಸದಲ್ಲೇ ಸಂಭವಿಸಿದ ನಾಲ್ಕನೇ ಭೀಕರ ರೈಲು ಅಪಘಾತ ಇದಾಗಿದೆ.

1981ರಲ್ಲಿ ಬಿಹಾರದಲ್ಲಿ ಸಂಭವಿಸಿದ ರೈಲು ಅಪಘಾತದಲ್ಲಿ 750 ಮಂದಿ ಪ್ರಾಣ ಕಳೆದುಕೊಂಡಿದ್ದರು. ಫಿರೋಜಾಬಾದ್​ನಲ್ಲಿ 1995ರಲ್ಲಿ ಸಂಭವಿಸಿದ ದುರಂತದಲ್ಲಿ 358 ಮಂದಿ ಜೀವ ಕಳೆದುಕೊಂಡಿದ್ದರು.

ಗೈಸಾಲ್​ನಲ್ಲಿ 1999ರಲ್ಲಿ ಸಂಭವಿಸಿದ ಅಪಘಾತದಲ್ಲಿ 290 ಮಂದಿ, ಖನ್ನಾದಲ್ಲಿ 1998ರಲ್ಲಿ ಸಂಭವಿಸಿದ ದುರಂತದಲ್ಲಿ 212 ಮಂದಿ, 1964ರಲ್ಲಿ ರಾಮೇಶ್ವರಂನಲ್ಲಿ ಚಂಡಮಾರುತದ ಕಾರಣದಿಂದ ಪಂಬನ್​ ಸೇತುವೆ ಅಪಘಾತದಲ್ಲಿ 150 ಮಂದಿ 2010ರಲ್ಲಿ ಜ್ಞಾನೇಶ್ವರಿ ರೈಲು ದುರಂತದಲ್ಲಿ 148 ಮಂದಿ ಸಾವನ್ನಪ್ಪಿದ್ದರು.