ಮೋದಿ ಸರ್ಕಾರದಲ್ಲಿ ದೇಶದಲ್ಲಿ ಎಷ್ಟು ರೈಲು ಅಪಘಾತ..? ಎಷ್ಟು ಸಾವಾಯ್ತು..? ಹೊಣೆ ಯಾರು.?

ಪ್ರಧಾನಿ ಮೋದಿ ಸರ್ಕಾರದ ಅವಧಿಯಲ್ಲಿ ಸಂಭವಿಸಿರುವ 7 ಭೀಕರ ರೈಲು ಅಪಘಾತಗಳ ಪಟ್ಟಿಯನ್ನು ಮುಂದಿಟ್ಟಿರುವ ಕಾಂಗ್ರೆಸ್​​ ಈ ದುರಂತಗಳಿಗೆ ಯಾರು ಹೊಣೆ ಎಂದು ಪ್ರಶ್ನಿಸಿದೆ.

ಮೋದಿ ಸರ್ಕಾರ ಅವಧಿಯಲ್ಲಿ ಭೀಕರ ರೈಲು ಅಪಘಾತಗಳು:

ಮೇ 26, 2014ರಲ್ಲಿ ಗೋರಖ್​ಧಾಮ್​ ಎಕ್ಸ್​ಪ್ರೆಸ್​ ಅಪಘಾತ , 25 ಮಂದಿ ಸಾವು, 50 ಮಂದಿಗೆ ಗಾಯ

2016ರ ನವೆಂಬರ್​ನಲ್ಲಿ ಇಂದೋರ್​-ಪಾಟ್ನಾ ಎಕ್ಸ್​ಪ್ರೆಸ್​ ಅಪಘಾತ, 150 ಮಂದಿ ಸಾವು, 150 ಮಂದಿಗೆ ಗಾಯ

2017ರ ಆಗಸ್ಟ್​ 23ರಂದು ಕೌಫಿಯಾತ್​ ಎಕ್ಸ್​ಪ್ರೆಸ್​ ಅಪಘಾತ – 70 ಮಂದಿ ಗಾಯ

2017ರ ಆಗಸ್ಟ್​ 18ರಲ್ಲಿ ಪುರಿ-ಹರಿದ್ವಾರ ಎಕ್ಸ್​ಪ್ರೆಸ್​ ಅಪಘಾತ, 23 ಮಂದಿ ಸಾವು, 60 ಮಂದಿಗೆ ಗಾಯ

2022ರ ಜನವರಿ 13ರಂದು ಬಿಕನೇರ್-ಗುವಾಹಟಿ ಎಕ್ಸ್​ಪ್ರೆಸ್​​ ಅಪಘಾತ, 9 ಮಂದಿ ಸಾವು, 36 ಮಂದಿಗೆ ಗಾಯ

ಜೂನ್​ 2, 2023ರಲ್ಲಿ ಬಾಲಸೋರ್​ ರೈಲು ಅಪಘಾತ, 296 ಮಂದಿ ಸಾವು, 900 ಮಂದಿಗೆ ಗಾಯ

ಜೂನ್​ 17, 2024ರಲ್ಲಿ ಕಾಂಚನಗಂಗಾ ಎಕ್ಸ್​ಪ್ರೆಸ್​ ಅಪಘಾತ , 8 ಮಂದಿ ಸಾವು, 25 ಮಂದಿಗೆ ಗಾಯ

2014ರಲ್ಲಿ ಮೋದಿ ಸರ್ಕಾರ ಅಧಿಕಾರಕ್ಕೆ ಬಂದ ಬಳಿಕ ದೇಶದಲ್ಲಿ 64 ರೈಲು ಅಪಘಾತಗಳು ಸಂಭವಿಸಿದೆ. ಇವುಗಳಲ್ಲಿ 24 ಅಪಘಾತಗಳಲ್ಲಿ ಜೀವಹಾನಿಯಾಗಿದ್ದು, 740 ಮಂದಿ ಮೃತಪಟ್ಟಿದ್ದಾರೆ.

ಈ ಪೈಕಿ 2 ಅಪಘಾತಗಳಲ್ಲಿ 50ಕ್ಕೂ ಅಧಿಕ ಪ್ರಯಾಣಿಕರು ಬಲಿಯಾಗಿದ್ದರೆ, 1 ಅಪಘಾತದಲ್ಲಿ 152 ಮಂದಿ ಮತ್ತು ಕಳೆದ ವರ್ಷ ಸಂಭವಿಸಿದ್ದ ಬಾಲಸೋರ್​ ರೈಲು ಅಪಘಾತದಲ್ಲಿ 296 ಮಂದಿ ಬಲಿಯಾಗಿದ್ದಾರೆ.

2021ರಿಂದ ಅಶ್ವಿನಿ ವೈಷ್ಣವ್​ ಅವರೇ ಮೋದಿ ಸರ್ಕಾರದಲ್ಲಿ ರೈಲ್ವೆ ಸಚಿವರಾಗಿದ್ದಾರೆ. ಕಾಂಗ್ರೆಸ್​ ಮತ್ತು ಆರ್​ಜೆಡಿ ಒಳಗೊಂಡಂತೆ ವಿಪಕ್ಷಗಳು ರೈಲ್ವೆ ಸಚಿವರ ರಾಜೀನಾಮೆಗೆ ಆಗ್ರಹಿಸಿವೆ.