ಗುಜರಾತ್​ನಲ್ಲಿ ಅಮೆರಿಕ ಮೂಲದ ಕಂಪನಿಗೆ ಭಾರೀ ಸಬ್ಸಿಡಿ – ಕೇಂದ್ರ ಸಚಿವ ಕುಮಾರಸ್ವಾಮಿ ಕಿಡಿ

ಕೇಂದ್ರ ಸಚಿವರಾಗಿ ಕರ್ನಾಟಕಕ್ಕೆ ಮೊದಲ ಬಾರಿಗೆ ಭೇಟಿ ನೀಡಿರುವ ಬೃಹತ್​ ಕೈಗಾರಿಕೆ ಮತ್ತು ಉಕ್ಕು ಸಚಿವ ಹೆಚ್​ ಡಿ ಕುಮಾರಸ್ವಾಮಿ ಅವರು ಗುಜರಾತ್​ನಲ್ಲಿ ಹೂಡಿಕೆ ಮಾಡಲು ಉದ್ದೇಶಿಸಿರುವ ಅಮೆರಿಕ ಮೂಲದ ಕಂಪನಿ ವಿರುದ್ಧ ಕಿಡಿಕಾರಿದ್ದಾರೆ.

ಬೆಂಗಳೂರಿನಲ್ಲಿರುವ ಜೆಡಿಎಸ್​ ಕಚೇರಿಯಲ್ಲಿ ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತಾಡಿದ ಕುಮಾರಸ್ವಾಮಿ ಅವರು ಗುಜರಾತ್​ನಲ್ಲಿ ಅಮೆರಿಕದ ಕಂಪನಿಗೆ ನೀಡಲಾಗುತ್ತಿರುವ ಸಬ್ಸಿಡಿ ಪ್ರಶ್ನೆ ಕೇಳಿದ್ದಾರೆ.

ನಾನು ಮೊನ್ನೆ ನಮ್ಮ ಅಧಿಕಾರಿಗಳಿಗೆ ಮಾತು ಹೇಳಿದೆ. ಗುಜರಾತ್​ನಲ್ಲಿ ಸೆಮಿ ಕಂಡಕ್ಟರ್​ ಯೂನಿಟ್​ನ್ನು ತರಬೇಕು ಅಂತ ಹೊರಟ್ರು. ಸೆಮಿ ಕಂಡಕ್ಟರ್​​ನ್ನು ಉತ್ಪಾದನೆ ಮಾಡುವಂತಹ ಯೋಜನೆ. ಮೈಕ್ರಾನ್​ ಎಂಬಂತ ಕಂಪನಿ, ಹೆಸರು ಹೇಳಬಾರದು ಬಹುಶಃ, ಅದೇನ್​ ಬರೆಯೋದು ಬೇಡ (ಮಾಧ್ಯಮಗಳಿಗೆ ಮನವಿ). ಆ ಕಂಪನಿ ಒಂದು ಯುನಿಟ್​ನ್ನು ದೇಶದಲ್ಲಿ ಹಾಕ್ತೀವಿ ಅಂತ ಬಂದಿದ್ದಾರೆ, ಆ ಕಂಪನಿಯ ಒಟ್ಟು ಹೂಡಿಕೆ 2.75 ಬಿಲಿಯನ್​ ಡಾಲರ್​. ಅದಕ್ಕೆ ರಾಜ್ಯ ಮತ್ತು ಕೇಂದ್ರ ಸರ್ಕಾರ ಕೊಡ್ತೀರುವ ಸಬ್ಸಿಡಿ ಶೇಕಡಾ 70. ಅವು ಉದ್ಯೋಗ ಸೃಷ್ಟಿ ಮಾಡೋದು ಎಷ್ಟು 5 ಸಾವಿರ. ಆ 5 ಸಾವಿರ ಉದ್ಯೋಗ ಸೃಷ್ಟಿ ಮಾಡೋದಕ್ಕೆ ನಾವು ಸಬ್ಸಿಡಿ ರೂಪದಲ್ಲಿ ಕೊಡ್ತಿರುವುದು 2 ಬಿಲಿಯನ್​ ಡಾಲರ್ (3.2 ಕೋಟಿ ರೂ ಪ್ರತಿ ಉದ್ಯೋಗಕ್ಕೆ)​. ನಮ್ಮ ಸುರೇಶ್​ ಬಾಬು ಇದ್ರು ಆವತ್ತು ಮೀಟಿಂಗ್​ ಮಾಡ್ಬೇಕಾದ್ರೆ

ಎಂದು ಅಮೆರಿಕದ ಕಂಪನಿಗೆ ನೀಡಲಾಗ್ತಿರುವ ಸಬ್ಸಿಡಿ ವಿರುದ್ಧ ಬೃಹತ್​ ಕೈಗಾರಿಕೆ ಸಚಿವ ಹೆಚ್​ ಡಿ ಕುಮಾರಸ್ವಾಮಿ ಕಿಡಿಕಾರಿದ್ದಾರೆ.