UPSC ಮುಖ್ಯಸ್ಥ ದಿಢೀರ್​ ರಾಜೀನಾಮೆ – 5 ವರ್ಷಕ್ಕೂ ಮೊದಲೇ ಪದತ್ಯಾಗ

ಕೇಂದ್ರೀಯ ಲೋಕಸೇವಾ ಆಯೋಗ (UPSC) ಅಧ್ಯಕ್ಷ ಡಾ ಮನೋಜ್​ ಸೋನಿ ಅವರು ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ ಎಂದು ಪ್ರಮುಖ ಇಂಗ್ಲೀಷ್​ ದೈನಿಕ The Hindu ವರದಿ ಮಾಡಿದೆ.

ತಮ್ಮ ಅಧಿಕಾರವಧಿ ಕೊನೆ ಆಗುವುದಕ್ಕೂ ಮೊದಲೇ RSS ಜೊತೆಗೆ ನಂಟು ಹೊಂದಿರುವ ಮುಂಬೈ ಮೂಲದ ಮನೋಜ್​ ಸೋನಿ ವೈಯಕ್ತಿಕ ಕಾರಣಗಳನ್ನು ಕೊಟ್ಟು ರಾಜೀನಾಮೆ ನೀಡಿದ್ದಾರೆ.

ಪ್ರಧಾನಿ ನರೇಂದ್ರ ಮೋದಿಯವರ ಸರ್ಕಾರ ಸೋನಿ ಅವರನ್ನು ಕೇಂದ್ರೀಯ ಲೋಕಸೇವಾ ಆಯೋಗದ ಮುಖ್ಯಸ್ಥರನ್ನಾಗಿ ಮೇ 16, 2023ರಲ್ಲಿ ನೇಮಿಸಿತ್ತು. ಇವರ ಕಾರ್ಯಾವಧಿ ಕೊನೆಯಾಗುವುದು 2019ರಲ್ಲಿ.

ಮುಖ್ಯಸ್ಥ ಹುದ್ದೆಯ ಅವಧಿ ಇನ್ನೂ 5 ವರ್ಷ ಬಾಕಿ ಇದ್ದರೂ ಸೋನಿ ವೈಯಕ್ತಿಕ ಕಾರಣಗಳನ್ನು ನೀಡಿ ರಾಜೀನಾಮೆ ನೀಡಿರುವುದು ಅಚ್ಚರಿ ಮೂಡಿಸಿದೆ.

2017ರಲ್ಲಿ ಮೋದಿ ಸರ್ಕಾರ ಸೋನಿ ಅವರನ್ನು ಯುಪಿಎಸ್​ಸಿ ಸದಸ್ಯರನ್ನಾಗಿ ನೇಮಿಸಿತ್ತು.

ಆರ್​ಎಸ್​ಎಸ್​ ನಂಟು ಹೊಂದಿರುವ ಡಾ ಮನೋಜ್​ ಸೋನಿ ಅವರನ್ನು UPSC ಮುಖ್ಯಸ್ಥರನ್ನಾಗಿ ನೇಮಕ ಮಾಡಿದ್ದನ್ನು ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿ ಖಂಡಿಸಿದ್ದರು. ಯೂನಿಯನ್​ ಪ್ರಚಾರಕ್​ ಸಂಘ್​ ಕಮಿಷನ್​ ಆಗುತ್ತಿದೆ ಎಂದು ಟೀಕಿಸಿದ್ದ ರಾಹುಲ್​ ಗಾಂಧಿ, ಭಾರತದ ಸಂವಿಧಾನವನ್ನು ನೆಲಸಮ ಮಾಡಲಾಗಿದೆ, ಸಂವಿಧಾನಿಕ ಸಂಸ್ಥೆಯನ್ನು ನೆಲಸಮ ಮಾಡಲಾಗಿದೆ ಎಂದು ಕಿಡಿಕಾರಿದ್ದರು.