ವಿಧಾನಸಭಾ ಚುನಾವಣೆ ಬಳಿಕ ದೇಶದಲ್ಲಿ ಅತೀ ಹೆಚ್ಚು ಲೋಕಸಭಾ ಕ್ಷೇತ್ರಗಳನ್ನು ಹೊಂದಿರುವ ಉತ್ತರಪ್ರದೇಶದಲ್ಲಿ ಈಗ ಮತ್ತೊಂದು ಸುತ್ತಿನ ಚುನಾವಣಾ ಸಮರ. ಉತ್ತರ ಪ್ರದೇಶದಲ್ಲಿ ಜೂನ್ 23ರಂದು ಅಂದರೆ ಗುರುವಾರದಂದು ಎರಡು ಲೋಕಸಭಾ ಕ್ಷೇತ್ರಗಳಿಗೆ ಉಪ ಚುನಾವಣೆ ನಡೆಯಲಿದೆ. ಸಮಾಜವಾದಿ ಪಕ್ಷದ ನಾಯಕ ಅಖಿಲೇಶ್ ಸಿಂಗ್ ಯಾದವ್ ಅವರ ರಾಜೀನಾಮೆಯಿಂದ ತೆರವಾಗಿರುವ ಅಜಂಗಢ ಮತ್ತು ಶಾಸಕ ಮೊಹಮ್ಮದ್ ಅಜಂಖಾನ್ ಅವರ ರಾಜೀನಾಮೆಯಿಂದ ತೆರವಾಗಿರುವ ರಾಂಪುರ ಲೋಕಸಭಾ ಕ್ಷೇತ್ರ.
ವಿಧಾನಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಸಮಾಜವಾದಿ ಪಕ್ಷದ ನಾಯಕರಾದ ಅಖಿಲೇಶ್ ಯಾದವ್ ಮತ್ತು ಅಜಂಖಾನ್ ಅವರು ಲೋಕಸಭಾ ಕ್ಷೇತ್ರಕ್ಕೆ ರಾಜೀನಾಮೆ ನೀಡಿದ್ದರು. ಈ ಹಿನ್ನೆಲೆಯಲ್ಲಿ ಉಪ ಚುನಾವಣೆ ನಡೀತಿದೆ.
ವಿಧಾನಸಭಾ ಚುನಾವಣೆಯಂತೆ ಲೋಕಸಭಾ ಉಪ ಚುನಾವಣೆಯಲ್ಲೂ ಮಾಯವತಿ ಅವರು ತಮ್ಮ ರಣತಂತ್ರ ಪ್ರಯೋಗಿಸಿದ್ದಾರೆ. ಅದೂ ಈ ಬಾರಿ ಮತ್ತೆ ಸಮಾಜವಾದಿ ಪಕ್ಷದ ವಿರುದ್ಧ. ಲೋಕಸಭಾ ಉಪ ಚುನಾವಣೆಯಲ್ಲೂ ಸಮಾಜವಾದಿ ಪಕ್ಷವನ್ನು ಸೋಲಿಸಲೇಬೇಕು ಎಂದು ಪಣತೊಟ್ಟಿದ್ದಾರೆ.
ಸಮಾಜವಾದಿ ಪಕ್ಷದಿಂದ ಅಖಿಲೇಶ್ ಯಾದವ್ ಅವರ ಸಂಬAಧಿ ಧರ್ಮೆಂದ್ರ ಯಾದವ್ ಅವರಿಗೆ ಅಜಂಗಢ ಲೋಕಸಭಾ ಕ್ಷೇತ್ರದಿಂದ ಟಿಕೆಟ್ ನೀಡಲಾಗಿದೆ. ಇವರು ಬದೌನ್ ಲೋಕಸಭಾ ಕ್ಷೇತ್ರದ ಮಾಜಿ ಸಂಸದರು. ಭಾರತೀಯ ಜನತಾ ಪಾರ್ಟಿ ಬಿಜೆಪಿ ಭೋಜ್ಪುರಿ ನಟ ಮತ್ತು ಗಾಯಕ ದಿನೇಶ್ ಲಾಲ್ ಯಾದವ್ ಅವರಿಗೆ ಟಿಕೆಟ್ ನೀಡಿದೆ. ಬಹುಜನ ಸಮಾಜ ಪಕ್ಷ ಶಾ ಆಲಂ ಅಲಿಯಾಸ್ ಗುಡ್ಡು ಜಮಾಲಿಗೆ ಟಿಕೆಟ್ ನೀಡಿದೆ.
2019ರಲ್ಲೂ ದಿನೇಶ್ ಲಾಲ್ ಯಾದವ್ ಅವರು ಅಜಂಗಢ ಲೋಕಸಭಾ ಕ್ಷೇತ್ರದಲ್ಲಿ ಅಖಿಲೇಶ್ ಸಿಂಗ್ ಯಾದವ್ ವಿರುದ್ಧ ಸ್ಪರ್ಧಿಸಿ ಸೋತಿದ್ದರು. 2019ರಲ್ಲಿ ಎಸ್ಪಿ ಮತ್ತು ಬಿಎಸ್ಪಿ ಮೈತ್ರಿ ಕಾರಣದಿಂದ ಅಖಿಲೇಶ್ ಸಿಂಗ್ ಯಾದವ್ 2,59,874 ಮತಗಳಿಂದ ಗೆದ್ದಿದ್ದರು.
2014ರಲ್ಲಿ ಬಿಜೆಪಿ ಮತ್ತು ಎಸ್ಪಿ ಹಾಗೂ ಬಿಜೆಪಿಯ ತ್ರಿಕೋನ ಸ್ಪರ್ಧೆಯಿಂದ ಕೇವಲ 63 ಸಾವಿರ ಮತಗಳಿಂದ ಮುಲಾಯಂ ಸಿಂಗ್ ಯಾದವ್ ಗೆದ್ದಿದ್ದರು.
ಅಜಂಗಢ ಆತಂಕವಾದಿಗಳ ಅಡ್ಡೆ ಆಗಬಾರದು ಮತ್ತು ಅಜಂಗಢದ ಹೆಸರನ್ನು ಆರ್ಯಂಗಢ ಎಂದು ಬದಲಾಯಿಸುವುದಾಗಿ ಸಿಎಂ ಯೋಗಿ ಆದಿತ್ಯನಾಥ್ ಅವರು ಉಪ ಚುನಾವಣಾ ಭಾಷಣದಲ್ಲಿ ಘೋಷಿಸಿದ್ದಾರೆ.
ಮುಸ್ಲಿಂ ಮತಗಳು ಎಸ್ಪಿಯಿಂದ ದೂರ ಆಗಲಿದ್ಯಾ..? ರಾಷ್ಟಿçÃಯ ಲೋಕದಳದ ನಾಯಕ ಜಂಯತ್ ಚೌಧರಿ ಅವರ ಜೊತೆಗೆ ಅಖಿಲೇಶ್ ಮಾಡಿಕೊಂಡ ಚುನಾವಣಾ ಮೈತ್ರಿಯಿಂದ ಯಾದವ ಮತ್ತು ಮುಸ್ಲಿಂ ಮತಗಳು ಸಮೀಕರ ಆಗಲಿದ್ಯಾ ಎನ್ನವುದು 2024ರಲ್ಲಿ ನಡೆಯಲಿರುವ ಲೋಕಸಭಾ ಚುನಾವಣೆಗೂ ದಿಕ್ಸೂಚಿ ಆಗಬಹುದು ಎಂದು ಅಂದಾಜಿಸಲಾಗಿದೆ.
ಬಿಜೆಪಿಯ ರಾಷ್ಟಿçÃಯ ವಕ್ತಾರೆ ನೂಪುರು ಶರ್ಮಾ ಪ್ರವಾದಿ ಮಹಮ್ಮದರ ಬಗ್ಗೆ ನೀಡಿದ ಅವಹೇಳನಕಾರಿ ಹೇಳಿಕೆಯ ಬಳಿಕ ಉತ್ತರಪ್ರದೇಶದಲ್ಲಿ ನಡೆದ ದಂಗೆ ಮತ್ತು ಗಲಭೆಗಳು ಹಾಗೂ ಆ ಹಿಂಸಾಚಾರಗಳ ಬಳಿಕ ಯೋಗಿ ಸರ್ಕಾರ ಕೈಗೊಂಡ ಬುಲ್ಡೋಜರ್ ರಾಜ್ ಕಾರ್ಯಾಚರಣೆ ಹಾಗೂ ಅಗ್ನಿಪಥ ಯೋಜನೆ ವಿರೋಧಿಸಿ ಉತ್ತರಪ್ರದೇಶದಲ್ಲಿ ನಡೆದಿದ್ದ ನಡೆದಿರುವ ಹಿಂಸಾಚಾರದ ಪ್ರತಿಭಟನೆ ಉಪ ಚುನಾವಣೆಯಲ್ಲಿ ಯಾವ ರೀತಿ ಪರಿಣಾಮ ಬೀರುತ್ತದೆ ಎನ್ನುವುದೂ ಕುತೂಹಲ.