ವಿಶ್ವಕಪ್​: 10 ತಂಡಗಳು, 46 ಪಂದ್ಯ – 9 ಪಂದ್ಯ ಆಡಲಿರುವ ಭಾರತ

ಭಾರತದಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್​ ಪಂದ್ಯಕ್ಕೆ ದಿನಾಂಕ ಘೋಷಣೆ ಆಗಿದೆ. ಅಕ್ಟೋಬರ್​ 5ರಂದು ಉದ್ಘಾಟನಾ ಪಂದ್ಯ ನಡೆಯಲಿದ್ದು, ನವೆಂಬರ್​ 19ರಂದು ಫೈನಲ್​ ಪಂದ್ಯ ನಡೆಯಲಿದೆ.

ಭಾರತದ 10 ನಗರಿಗಳಲ್ಲಿ 46 ದಿನ ವಿಶ್ವಕಪ್​ ಕ್ರಿಕೆಟ್​ ಕದನ ನಡೆಯಲಿದೆ. ವಿಶ್ವಕಪ್​ನಲ್ಲಿ ಒಟ್ಟು 10 ರಾಷ್ಟ್ರಗಳು ಭಾಗವಹಿಸುತ್ತಿವೆ. ಇವುಗಳಲ್ಲಿ 2 ತಂಡಗಳನ್ನು ಜುಲೈ 9ರಂದು ಜಿಂಬಾಬ್ವೆಯಲ್ಲಿ ಕೊನೆಯಾಗುವ ಕ್ವಾಲಿಫೈಯರ್​ ಪಂದ್ಯದ ಬಳಿಕ ಆಯ್ಕೆ ಮಾಡಲಾಗುತ್ತದೆ.

ಅಕ್ಟೋಬರ್​ 5ರಂದು ಅಹಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ 2019ರ ವಿಶ್ವಕಪ್​ ಚಾಂಪಿಯನ್​ ಇಂಗ್ಲೆಂಡ್​ ಮತ್ತು ನ್ಯೂಜಿಲೆಂಡ್​ ನಡುವೆ ಮೊದಲ ಪಂದ್ಯ ನಡೆಯಲಿದೆ.

ವಿಶ್ವಕಪ್​ನಲ್ಲಿ ಭಾರತ ತನ್ನ ಮೊದಲ ಪಂದ್ಯವನ್ನು ಆಸ್ಟ್ರೇಲಿಯಾ ವಿರುದ್ಧದ ಚೆನ್ನೈನಲ್ಲಿ ಅಕ್ಟೋಬರ್​ 8ರಂದು ಆಡಲಿದೆ.

ಭಾರತ ಆಡಲಿರುವ ಪಂದ್ಯಗಳು:

ಅಕ್ಟೋಬರ್​ 8ರಂದು ಆಸ್ಟ್ರೇಲಿಯಾ ವಿರುದ್ಧ ಚೆನ್ನೈನಲ್ಲಿ

ಅಕ್ಟೋಬರ್​ 11ರಂದು ಅಫ್ಘಾನಿಸ್ತಾನ ವಿರುದ್ಧ ದೆಹಲಿಯಲ್ಲಿ

ಅಕ್ಟೋಬರ್​ 15ರಂದು ಪಾಕಿಸ್ತಾನ ವಿರುದ್ಧ ಅಹಮದಾಬಾದ್​ನಲ್ಲಿ

ಅಕ್ಟೋಬರ್​ 19ರಂದು ಬಾಂಗ್ಲಾದೇಶ ವಿರುದ್ಧ ಪುಣೆಯಲ್ಲಿ

ಅಕ್ಟೋಬರ್​ 22ರಂದು ನ್ಯೂಜಿಲೆಂಡ್​ ವಿರುದ್ಧ ಧರ್ಮಶಾಲಾದಲ್ಲಿ

ಅಕ್ಟೋಬರ್​ 29ರಂದು ಇಂಗ್ಲೆಂಡ್​ ವಿರುದ್ಧ ಲಕ್ನೋದಲ್ಲಿ 

ನವೆಂಬರ್​ 2ರಂದು ಕ್ವಾಲಿಫೈರ್​ 2 ತಂಡದ ವಿರುದ್ಧ ಮುಂಬೈನಲ್ಲಿ

ನವೆಂಬರ್​ 5ರಂದು ದಕ್ಷಿಣ ಆಫ್ರಿಕಾ ವಿರುದ್ಧ ಕೋಲ್ಕತ್ತಾದಲ್ಲಿ

ನವೆಂಬರ್​ 11ರಂದು ಕ್ವಾಲಿಫೈಯರ್​ 1 ತಂಡದ ವಿರುದ್ಧ ಬೆಂಗಳೂರಲ್ಲಿ

ಸೆಮಿಫೈನಲ್​ ಪಂದ್ಯಗಳು:

ನವೆಂಬರ್​ 15ರಂದು ಮೊದಲ ಸೆಮಿಫೈನಲ್​ ಪಂದ್ಯ ಮುಂಬೈನಲ್ಲಿ ಮತ್ತು ನವೆಂಬರ್​ 16ರಂದು ಎರಡನೇ ಸೆಮಿಫೈನಲ್​ ಪಂದ್ಯ ಕೋಲ್ಕತ್ತಾದಲ್ಲಿ ನಡೆಯಲಿದೆ.